暖心外傭 ︳好姐姐視少主如己出帶囡囡識新朋友打成一片 港媽感恩：仲有好多好姐姐

好外傭難求，近日一名港媽就分享家中外傭的窩心故事，形容「姐姐」對囡囡視如己出，最近陪伴囡囡在樓下公園玩耍時，結識到新朋友，自此兩家關係要好，對方小朋友與外傭姐姐不時登門造訪，十分熱鬧。姐姐如此盡責疼愛小孩，港媽非常感恩：「呢個世界仲有好多好姐姐！」

同場加映：
管家王︳翻新床褥更慳錢襟用 軟硬度不適、凹陷有得救

{{hket:ul-video id="6378"}}{{/hket:ul-video}}

周五（26日）一名港媽在Facebook群組「表揚好姐姐開心分享區」發文分享，指居住的屋苑亦有不少外傭姐姐，有一天家中的外傭姐姐表示囡囡在樓下公園玩耍時，結識了鄰座一名比她小1歲的小妹妹，「問我可唔可以上佢屋企玩」，港媽表示同意，「我循例都問佢人哋Mum知唔知㗎，同埋玩都唔好多手搞人哋啲嘢」。自此之後，囡囡便多了個朋友，姐姐經常帶囡囡到對方家中玩耍，兩名外傭感情亦十分要好，

「自此之後，我姐姐就成日帶個女過去玩，2個姐姐又好鬼frd（友好），我都有text（發短訊）佢媽咪傾吓偈。」

港媽又指她們間中會前來家中一起煮飯、吃飯，互相陪伴，港媽笑稱「我而家變相有2個姐姐用咁」。雙方的外傭姐姐亦不計較，又會一同教小朋友唱歌寫字。

港媽坦言，大多僱主對於讓陌生人入家門都感到擔憂，「有人或者會問，自己個姐姐都怕佢偷嘢搞小動作，畀個陌生人入嚟，唔驚咩？」她說家中很少貴重物品，亦相信姐姐是好人，不會結識到 壞朋友，而且她見過鄰座的外傭姐姐，直覺對方「好純品，又錫小朋友」。她又附上一張鄰座姐姐抱著自己孩子的相片，「次次見親佢都好high, high過我」，

「個感覺就好似細個，阿媽返工唔得閒理我，就掉我去隔籬屋姨姨度湊住先咁。」

港媽希望藉此機會表揚家中及鄰座的外傭姐姐，感慨表示：「我真係相信呢個世界仲有好多好姐姐。」

港媽憶起，姐姐在其家中工作4年，第一年「思鄉病」嚴重，幾乎每日在房間喊，於是她決定讓姐姐回鄉休息探親兩周。回來後姐姐工作盡責，照顧得兩名子女非常周到。港媽坦言平日太忙，幸姐姐會自行分配好工作，兼顧照顧幼子，帶長女返學上興趣班等，形容「佢幫到手嘅程度，仲好過我隊友」。

網民：小朋友有伴好開心

帖文一出後，網民都認為能與鄰居互相作伴對小朋友成長是好事，稱讚港媽家中的外傭姐姐，「其實真係有好姐姐㗎，佢哋真係比我哋更加鍾意小朋友」、「姐姐有伴，妹妹又有伴，小朋友要有社交，先學識共享禮讓，對自己小朋友成長好重要，兩家人姐姐妹妹太太都開心」、「其實唔好話姐姐有伴，小朋友有伴都好開心，真好」、「其實你用心對人好，人哋都會用心對你好，相信你都係一個好好嘅Mum」。

暖心外傭 ︳不介意外傭姐姐有點蠱惑和懶惰 港媽大讚：她把愛放在孩子上，詳情即睇【下一頁】

家家有本 ︳家務完全自動波 放假陪露營執垃圾 兩孩港媽感恩請到好姐姐，詳情即睇【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

文章內容和照片獲Cookie Lai授權刊登

撰文︰陳潔雯